Compound vs Polish vs Wax 粗蠟 vs 拋光 vs 幼蠟

呢個係每一日都有客問既問題，所以係呢度簡單精要咁講講

Compound 粗蠟

粗蠟係比較粗粒既研磨劑，磨既能力係三者之中最強，變相磨得亦最快，適合係花痕比較深既情況下使用。但因為車漆表面既光油 (lacquer “力架”) 係會越磨越薄 (成架車番噴另計)，所以非不得以都唔建議常用粗蠟做重度既研磨。而且因為粗蠟係比較粗粒，做完之後車漆表面未係十分平滑細緻，會啞左色唔”令”身。而係呢個時候，你要做既就係Polish 拋光。而做完粗蠟之後係要抹走哂佢，所以唔應該有殘餘留係車漆。

Polish 拋光

拋光係比較幼細粒子既研磨劑，磨既能力比粗蠟低，所以比粗蠟磨得慢，但好處係因為佢研磨粒子幼細，做左拋光既車漆表面會平滑細緻，望落去會”令”身。而一般洗車所做成既太陽紋/蜘蛛網紋、水漬等都可以透過拋光解決。同樣而做完拋光之後係要抹走哂佢，所以唔應該有殘餘留係車漆。

Wax 幼蠟

幼蠟比較簡單，基本上佢係無研磨既能力，只係用係車漆表面作保護，加上車身反光度(“令”身)同跣水。